சென்னையில் காட்டிய சிக்னல்.. அதிரடி காட்டிய ம.பி. போலீஸ்.. அம்பலமான கட்டிட தொழிலாளி கதை

மத்திய பிரதேசத்தில் தீரன்சிங் என்பவர், கடந்த சில மாதங்களுக்கு முன்பு மர்மநபர்களால் வெட்டி கொலை செய்யப்பட்டார். இந்த சம்பவம் குறித்து வழக்குபதிவு செய்த அம்மாநில போலீசார், செயின் சிங் மற்றும் நோகத் சிங் ஆகியோரை தனிப்படை அமைத்து தேடி வந்தனர். செல்போன் சிக்னல் அடிப்படையில், இருவரும் சென்னையில் பதுங்கி இருப்பது தெரியவந்துள்ளது. இதனையடுத்து சென்னை விரைந்த மத்தியப்பிரேதச தனிப்படை போலீசார், சென்னை திருமங்கலம் போலீசார் உதவியுடன் அருகிலுள்ள அடுக்குமாடி குடியிருப்பில் பதுங்கி இருந்த இருவரையும் கைது செய்தனர். இருவரும், சென்னையில் தங்கி கட்டட வேலை செய்து வந்தது தெரியவர, இருவரையும் மத்திய பிரதேசம் அழைத்துச் சென்று போலீசார் விசாரணை நடத்தி வருகின்றனர்.