அதிரடி முகம் காட்டிய பறக்கும் படையினர்..! கட்டுக்கட்டாய் சிக்கிய பணம்..

தமிழகத்தின் பல்வேறு பகுதிகளில், உரிய ஆவணங்கள் இன்றி எடுத்துச் செல்லப்பட்ட பணம் மற்றும் பொருட்களை பறக்கும் படையினர் பறிமுதல் செய்தனர்.

சென்னை மண்ணடி ஜாஃபர் சாரங் தெருவில் சோதனை மேற்கொண்ட பறக்கும் படையினர், ஆவணங்களின்றி கொண்டு செல்லப்பட்ட 10 லட்சம் பணம் மற்றும் 25 லேப்டாப்புகளை பறிமுதல் செய்தனர்.

தென்காசியில் இருந்து இலஞ்சி செல்லும் சாலையில் பறக்கும் நடைபெற்ற சோதனையின்போது, பாஜக சின்னம் மற்றும் தலைவர்கள் படங்கள் அடங்கிய டி-சர்ட்டுகள் அடங்கிய மூன்று மூட்டைகளை பறிமுதல் செய்யப்பட்டன.

சிவகங்கை மாவட்டம் திருப்புத்தூர் அருகே திருக்கோஷ்டியூர் விளக்கு பகுதியில், இருசக்கர வாகனத்தில் ஆவணங்கள் இன்றி கொண்டு செல்லப்பட்ட இரண்டரை லட்சம் ரூபாய் பறிமுதல் செய்யப்பட்டது.

கள்ளக்குறிச்சி மாவட்டம் சின்னசேலம் அருகே சோதனை மேற்கொண்ட பறக்கும படையினர், இருசக்கர வாகனத்தில் சென்றவரிடம் இருந்து ஒரு லட்சத்து 29 ஆயிரம் ரூபாயை பறிமுதல் செய்தனர்.