பஸ்ஸில் நின்றிருந்த பெண்ணுக்கு ஏற்பட்ட அதிர்ச்சி சம்பவம்.. அலறிய பயணிகள்.. பரபரப்பு சிசிடிவி காட்சி
கன்னியாகுமரி மாவட்டத்தில் சாலை வளைவில் பேருந்து திரும்பும்போது, அதில் பயணம் செய்த பெண் தூக்கி வீசப்பட்ட சம்பவம் அதிர்ச்சியை ஏற்படுத்தி உள்ளது.
சரல்விளையைச் சேர்ந்த செல்லதங்கம் என்பவர், தக்கலை பேருந்து நிலையத்தில் இருந்து வீட்டிற்கு செல்ல திற்பரப்பு பேருந்தில் ஏறி பயணம் செய்துள்ளார். பத்மநாபபுரம் மூலச்சல் வள்ளியாற்று பாலம் அருகே வலைவான சாலையை கடந்து செல்லும்போது, பேருந்துக்குள் நின்று கொண்டிருந்த செல்லதங்கம் சாலையில் தூக்கி வீசப்பட்டு படுகாயமடைந்தார். அவரை அக்கம் பக்கத்தினர் மீட்டு, தக்கலை அரசு மருத்துவமனையில் சிகிச்சைக்காக சேர்த்தனர். இது குறித்து தக்கலை போலீசார் விசாரணை நடத்தி வருகின்றனர்.