வீட்டில் தனியாக இருந்த மூதாட்டிக்கு நடந்த கொடூரம் - காஞ்சிபுரம் அருகே அதிர்ச்சி சம்பவம்

காஞ்சிபுரம் மாவட்டம் கட்டவாக்கம் கிராமத்தை சேர்ந்த மூதாட்டி சுகுணா தனது வீட்டின் முதல் மாடியில் தனியாக வசித்து வந்துள்ளார். தரைதளத்தில் வடமாநிலத்தை சேர்ந்த 14 பேர் வாடகைக்கு தங்கியுள்ளனர். சுகுணாவை செல்போனில் தொடர்பு கொள்ள முடியாததால் உறவினர்கள் நேரில் சென்று பார்த்தபோது அவர் கழுத்து நெறிக்கப்பட்ட நிலையில் சடலமாக கிடந்துள்ளார். மேலும் அவர் அணிந்திருந்த 10 சவரன் தங்க நகைகளும் மாயமாகி இருப்பது தெரியவந்தது. இது குறித்த புகாரின் பேரில் போலீசார் வழக்கு பதிவு செய்து விசாரணை நடத்தி வருகின்றனர்.