ஆயுத பூஜைக்கு லாரியை சுத்தம் செய்த ஓட்டுநர்..நொடியில் நடந்த அதி பயங்கரம் - சென்னை அருகே பேரதிர்ச்சி

காஞ்சிபுரம் மாவட்டம் ஸ்ரீபெரும்புதூர் அடுத்த சோமங்கலம் அருகே புதுநல்லூர் பகுதியை சேர்ந்தவர் கார்த்திக். லாரி ஓட்டுநராக பணிபுரியும் கார்த்திக், ஆயுத பூஜையை முன்னிட்டு, புதுப்பேடு அருகே உள்ள ஏரிக்கு லாரியை கொண்டு சென்று சுத்தம் செய்துள்ளார். அப்போது குளிக்க சென்ற கார்த்தி, பின்னர் திரும்பி வரவில்லை. மற்ற ஓட்டுநர்கள் வெகு நேரம் தேடியும் கிடைக்காத நிலையில், உடனடியாக காவல்துறைக்கும், தீயணைப்பு துறைக்கும் தகவல் தரப்பட்டது. விரைந்து வந்த தீயணைப்பு துறையினர் நீரில் மூழ்கி காணாமல் போன கார்த்திக்கை தேடி வந்தனர். இருட்டிய நிலையில், இன்று மீண்டும் தேடும் பணி தொடர உள்ளது.