கள்ளக்குறிச்சியில் மர்ம கொலை.. வெடித்த போராட்டம்
காப்புக்காட்டில் கழுத்து அறுக்கப்பட்ட நிலையில், ஒருவர் சடலமாக மீட்கப்பட்ட நிலையில், குற்றவாளியை கைது செய்யக் கோரி, உறவினர்கள் சாலை மறியலில் ஈடுபட்டதால் பரபரப்பு ஏற்பட்டுள்ளது.
சங்கராபுரம் அருகே உள்ள வடபொன்பரப்பி அரசு கால்நடை மருத்துவமனை அருகே உள்ள காப்புக்காட்டில் தான் இந்த கொலை சம்பவம் அரங்கேறியிருக்கிறது. மர்மமான முறையில் கழுத்தறுக்கப்பட்ட நிலையில் சடலமாக இருந்தவர், ராயசமுத்திரம் கிராமம் பிச்சைக்காரன் என்பவரது மகன் வெங்கடேசன் எனத் தெரியவந்து உள்ளது.
வெங்கடேசனின் உடலை பிரேத பரிசோதனைக்குப் பின்பு பெற்றுக் கொள்ள உறவினர்கள் மறுத்துவிட்டனர். தொடர்ந்து, குற்றவாளிகளை உடனடியாக கைது செய்ய வலியுறுத்தி 100-க்கும் மேற்பட்ட உறவினர்கள் சாலைமறியலில் ஈடுபட்ட சம்பவத்தால், அங்கு பரபரப்பு ஏற்பட்டது.