ஜார்கண்ட் ரயில் விபத்து - உதவி எண்கள் அறிவிப்பு | Train Accident | Jharkhand

ஜார்க்கண்ட் மாநிலம் சக்கரதார்பூர் பகுதியில் அதிகாலை 3.45 மணியளவில் மும்பை-ஹவுரா விரைவு ரயில் தடம்புரண்டு விபத்துக்குள்ளானது. ஜாம்ஷெட்பூரிலிருந்து 80 கிலோமீட்டர் தொலைவில் உள்ள படபாம்பூ அருகே இந்த விபத்து ஏற்பட்டுள்ளது. இதில் இருவர் உயிரிழந்த நிலையில், 6 பேர் காயமடைந்தனர். காயமடைந்த பயணிகள் அனைவரும் மருத்துவமனைக்கு அனுப்பி வைக்கப்பட்டுள்ளனர். கிட்டத்தட்ட 12 பெட்டிகள் தடம் புரண்டதாக கூறப்படுகிறது. மீட்புப் பணிகள் தீவிரமாக நடைபெற்று வருகின்றன. ரயில் விபத்தை தொடர்ந்து, தொலைபேசி மூலம் தொடர்பு கொள்வதற்கான உதவி எண்கள் அறிவிக்கப்பட்டுள்ளன.