ஐ.டி.ஊழியர் வீட்டில் நகை கொள்ளை.. மிளகாய் பொடி தூவி தப்பித்த திருடன்.. வேலூரில் பரபரப்பு

வேலூரில் ஐ.டி.ஊழியர் வீட்டில் 75 சவரன் நகைகளை மர்ம நபர்கள் கொள்ளையடித்துச் சென்றுள்ளனர். தொரப்பாடி ராம்சேட் நகரை சேர்ந்த பாலாஜி குடும்பத்தார் வெளியூர் சென்று விட்டு

வீடு திரும்பியுள்ளனர். அப்போது வீட்டின் கதவை திறந்தபோது ஹால் மற்றும் பெட் ரூம் வாசலில் மிளகாய் பொடி தூவப்பட்டிருந்ததை பார்த்து அதிர்ச்சி அடைந்தனர். பெட் ரூமிற்கு சென்று பார்த்தபோது பீரோவில் இருந்த 75 சவரன் தங்க நகைகள் மற்றும் 5 ஆயிரம் ரூபாய் ரொக்கப்பணத்தை மர்மநபர்கள் திருடியது தெரிய வந்தது. இது குறித்து பாலாஜி மனைவி உஷாராணி, போலீசாருக்கு தகவல் தெரிவித்தார். மோப்பநாய் உதவியுடன் போலீசார் வந்து விசாரணை நடத்தினர்.