கோவை மாவட்டம் சூலூரில் போக்குவரத்துக்கு இடையூறாக போதையில் இருசக்கர வாகனத்தை ஓட்டி சென்ற நபர் கைது செய்யப்பட்டுள்ளார். சூலூர் - திருச்சி சாலையில் கடந்த வாரம் சாலையில் சென்று கொண்டிருந்த பேருந்துக்கு முன்பாக போதை ஆசாமி, இருசக்கர வாகனத்தில் வழியை மறித்தபடி குறுக்கும் நெடுக்குமாக சென்றார். இதனை பேருந்து பயணி ஒருவர் வீடியோ எடுத்த நிலையில் சமூக வலைதளங்களில் வைரலானது. இது தொடர்பாக வழக்கு பதிந்த போலீசார் ஒண்டிபுதூர் பகுதியை சேர்ந்த வினோத் மணிகண்டன் என்பவரை கைது செய்து சிறையில் அடைத்ததுடன், இருசக்கர வாகனத்தையும் பறிமுதல் செய்தனர்