காதலிக்காக 6 மாவட்டங்களில் வேட்டை..போலீஸையே அதிரவைத்த வாக்குமூலம் - வெளியான பல பல திடுக்கிடும் தகவல்

நாகரசம்பட்டி காவல் உதவி ஆய்வாளர் சிவசங்கர் தலைமையிலான போலீஸ் குழு செல்லம்பட்டி நெடுஞ்சாலையில் வாகன தணிக்கையில் ஈடுபட்டிருந்தனர். அப்போது, போலீஸை பார்த்ததும் இரு சக்கர வாகனத்தை திருப்பி சென்றவர்கள் விரட்டி பிடிக்கப்பட்டனர். அவர்களிடம் மேற்கொண்ட விசாரணையில், பல திடுக்கிடும் தகவல் வெளியாகி காவல்துறையினரையே அதிர வைத்துள்ளது. கைதானவர்கள் 6 மாவட்டங்களில் பல்வேறு கொள்ளை சம்பவங்களை அரங்கேற்றியதும், முன்கூட்டியே சம்பவ இடத்திற்கு சென்று போதையில் மயங்கி கிடப்பது போல் நடித்து நோட்டமிட்டு கொள்ளையில் ஈடுபட்டதும் தெரியவந்துள்ளது. கைதான கொள்ளையர்கள் விநாயகபிரியன், தண்டப்பணி, சுமன், சுரேஷ் ஆகியோரிடம் இருந்து விலை உயர்ந்த 3 இரு சக்கர வாகனங்கள், கார், பணம், 20 சவரன் நகையை போலீசார் பறிமுதல் செய்து, விசாரணையை தீவிரப்படுத்தியுள்ளனர்.