இந்து மக்கள் கட்சி நிர்வாகி`X' பதிவு..- "கொஞ்சம் டெலிட் பண்ணி விடுங்க சார்" - வைரலாகும் காவலர் ஆடியோ

கிருஷ்ணகிரி மாவட்டம், பர்கூர் காவல் நிலையத்தில், தேசிய கொடி அவமரியாதை செய்யப்பட்டதாக எழுந்த புகாரை தொடர்ந்து, சம்பந்தப்பட்ட காவலர் வருத்தம் தெரிவித்துள்ளார். கடந்த சுதந்திர தினத்தன்று காவல் நிலையத்தில் தேசிய கொடி வடிவில் கோலம் போடப்பட்டிருந்தது. இதன் மீது காவலர் தனது காலை வைத்திருந்தது போன்ற புகைப்படம் வெளியானது. இதனை, இந்து மக்கள் கட்சியின் மாநிலச் செயலாளர் முருகேசன் சமூக வலைதளத்தில் பதிவிட்டிருந்தார். இதைத் தொடர்ந்து, சம்பவத்திற்கு வருத்தம் தெரிவித்து காவலர் பேசிய ஆடியோ தற்போது வைரலாகி வருகிறது.