"நான் திருட வில்லை"..ஹெல்மெட் திருடிய விவகாரம்..ஒரேடியாக குண்டை தூக்கி போட்ட `SI' | Tamilnadu

சென்னை எழும்பூரில் உள்ள தனியார் ஹோட்டல் வளாக வாகன நிறுத்துமிடத்தில் நின்றிருந்த இரு சக்கர வாகனத்தில் இருந்து தலைக்கவசம் மாயமானது. இதுதொடர்பான புகாரின் பேரில் அங்கிருந்த சிசிடிவி காட்சிகளை ஆய்வு செய்தபோது, காவல் உதவி ஆய்வாளர் விஜயன் திருட்டில் ஈடுபட்டதாக கூறப்பட்டது. இதுதொடர்பாக வாட்ஸ் ஆப் வாயிலாக விளக்கம் அளித்துள்ள காவல் சிறப்பு உதவி ஆய்வாளர் விஜயன், தலைக்கவசத்தை, தான் திருடவில்லை என்றும், சரியாக விசாரிக்காமல் தவறான தகவலை அளித்து தனது காவல் பணிக்கு களங்கம் ஏற்படுத்தி இருப்பதாகவும் தெரிவித்துள்ளார். மகனின் திருமணத்திற்காக ஒரு மாத விடுப்பு எடுத்து, சொந்த ஊரில் இருக்கும்போது, திருட்டில் எப்படி ஈடுபட முடியும்? என அவர் கேள்வி எழுப்பியுள்ளார். இந்த விவகாரத்தில் விசாரணை அதிகாரி மட்டத்தில் குளறுபடி நடந்துள்ளதா? என உயர் அதிகாரிகள் முறையாக விசாரிக்க வேண்டும் என சக காவலர்கள் கோரிக்கை விடுத்துள்ளனர்.