குருவாயூர் எக்ஸ்பிரஸ் ரயில் சேவையில் அதிரடி மாற்றம்.. மக்களே மிக கவனம் தேவை!

மதுரை, திருவனந்தபுரம் ரயில்வே கோட்டங்களில் பராமரிப்பு பணி காரணமாக ரயில் சேவைகளை ரத்து செய்தும் மற்றும் ஒரு சில ரயில்களின் சேவைகளை மாற்றம் செய்தும் தெற்கு ரயில்வே அறிவித்துள்ளது.குருவாயூர் - சென்னை எழும்பூர் இடையே இரவு 11.15 மணிக்கு இயக்கப்படும் விரைவு ரயிலானது ஆகஸ்ட் 4, 5 , 8,10 ஆகிய நாள்களில் மதுரை, சோழவந்தான், திண்டுக்கல் வழியாக செல்வதற்கு பதிலாக மானாமதுரை, காரைக்குடி, புதுக்கோட்டை வழியாக எழும்பூர் செல்லும்.சென்னை எழும்பூர் - குருவாயூர் இடையே காலை 9.45 மணிக்கு இயக்கப்படும் விரைவு ரயிலானது ஆகஸ்ட் 4 அன்று

திண்டுக்கல், சோழவந்தான், மதுரை வழியாக செல்வதற்கு பதிலாக புதுக்கோட்டை, காரைக்குடி, மானாமதுரை வழியாக குருவாயூர் செல்லும்.மயிலாடுதுறை - செங்கோட்டை இடையே மதியம் 12 மணிக்கு இயக்கப்படும் விரைவு ரயில் ரயிலானது ஆகஸ்ட் 8ஆம் தேதி திண்டுக்கல், சோழவந்தான், மதுரை வழியாக செல்வதற்கு பதிலாக புதுக்கோட்டை, காரைக்குடி, மானாமதுரை வழியாக செங்கோட்டை செல்லும்.குருவாயூர் - சென்னை எழும்பூர் இடையே இரவு 11.15 மணிக்கு இயக்கப்படும் விரைவு ரயிலானது ஆகஸ்ட் 16 முதல் 26ஆம் தேதி வரை கேரள மாநிலம் எர்ணாகுளம் வழியாக செல்வதற்கு பதிலாக கோட்டயம் வழியாக செல்லும்.சென்னை சென்ட்ரல் - திருவனந்தபுரம் இடையே மாலை 3.10 மணிக்கு இயக்கப்படும் விரைவு ரயிலானது ஆகஸ்ட் 18, 25 ஆகிய தேதிகளில் கேரள மாநிலம் எர்ணாகுளம் வழியாக செல்வதற்கு பதிலாக கோட்டயம் வழியாக செல்லும் என அறிவிக்கப்பட்டுள்ளது..