பெண்களுக்கு குட் நியூஸ் "She Toilet" நடமாடும் ஒப்பனை அறை கொடியசைத்து தொடங்கி வைத்த அமைச்சர்

பொதுமக்கள் அதிகம் கூடும் பகுதிகளில், கழிவறைத் தேடி பெண்கள் சந்திக்கும் சிரமங்களை தவிர்க்கும் நோக்கில், 'She Toilet' எனப்படும் நடமாடும் மகளிர் ஒப்பனை அறை பயன்பாட்டுக்கு வந்துள்ளது. அதன்படி, மண்டலத்திற்கு தலா ஒன்று என்ற அளவில், மொத்தமாக 15 நடமாடும் ஒப்பனை அறை வாகனங்கள் பயன்பாட்டிற்கு வந்துள்ளன. சுமார் 29 லட்சம் ரூபாய் மதிப்புடைய இந்த வாகனத்தில், முகம் பார்க்கும் கண்ணாடி, சானிட்டரி நாப்கின், கை கழுவும் திரவம், உடை மாற்றும் சிறு அறை, தாய்ப்பால் ஊட்டும் அறை உள்ளிட்டவை இடம்பெற்றுள்ளன. நிர்பயா திட்டத்தின் கீழ், முதற்கட்டமாக 4 கோடியே 37 லட்சம் ரூபாய் மதிப்பிலான 15 வாகனங்களை, சென்னை ரிப்பன் மாளிகையில் இருந்து அமைச்சர் கே.என்.நேரு கொடி அசைத்து தொடங்கி வைத்தார்