ஓடும் பேருந்தில் தவறி விழுந்த மாணவி - அடுத்த நொடியே நடத்துனர் செய்த செயல்...வெளியான அதிர்ச்சி சிசிடிவி காட்சிகள்

ஈரோட்டில் தனியார் பேருந்தில் பயணம் செய்த கல்லூரி மாணவி படிக்கட்டில் தவறி விழும் போது மாணவியை நடத்துநர் காப்பாற்றிய வீடியோ சமூக வலைதளங்களில்அதிகம் பரவி வருகிறது... ஈரோடு பேருந்து நிலையத்திலிருந்து மேட்டூர் நோக்கி சென்ற தனியார் பேருந்தில் பயணித்த கல்லூரி மாணவி கேசரிமங்கலம் வரும் போது இறங்குவதற்காக எழுந்து படிக்கட்டின் அருகே வந்துள்ளார்... திடீரென மாணவி படிக்கட்டில் தவறி விழுந்த சமயத்தில் துரிதமாக செயல்பட்ட நடத்துநர் கவுதம் மாணவியைப் பிடித்து உள்ளே இழுத்ததால் பெரும் அசம்பாவிதம் தவிர்க்கப்பட்டது... இச்சம்பவம் சிசிடிவி கேமராவில் பதிவான நிலையில், வீடியோ சமூக வலைதளங்களில் அதிகம் பரவி நடத்துநர் கவுதமுக்கு பாராட்டுகள் குவிந்து வருகின்றன.