கடலூர் மாவட்டம் பண்ருட்டியில், அரிசி கடையில் மூதாட்டியிடம் கத்தியை காட்டி மிரட்டி, 5 ஆயிரம் ரூபாய் பணத்தை பறித்துச் சென்ற இளைஞரை போலீசார் கைது செய்தனர். லிங்க் ரோட்டில் அரிசி கடை வைத்திருக்கும் யசோதா என்பவர், கடையில் தனியாக இருந்துள்ளார். அப்போது, மோட்டார் சைக்கிளில் வந்த இளைஞர் ஒருவர், திடீரென கடைக்குள் புகுந்து யசோதாவை கத்தியை காட்டி மிரட்டினார். பின்னர், கல்லாப் பெட்டியில் இருந்த 5 ஆயிரம் ரூபாய் பணத்தை திருடிக்கொண்டு அங்கிருந்து தப்பிச் சென்றார். இந்த சம்பவம் அங்கிருந்த சிசிடிவி காட்சியில் பதிவானது. இதுதொடர்பான புகாரின் பேரில் விசாரணை நடத்திய போலீசார், அய்யனார் என்பவரை கைது செய்தனர்.