சென்னை ராயபுரத்தில் மது குடிப்பதற்கு 10 ரூபாய் பணம் கேட்ட நபர் அடித்துக்கொல்லப்பட்ட சம்பவம் அதிர்ச்சியை ஏற்படுத்தியுள்ளது. காசிமேடு புதுமணை குப்பத்தை சேர்ந்த மைனுதீன் என்பவர் மர்மமான முறையில் உயிரிழந்தார். இதுகுறித்து ராயபுரம் காவல் நிலைய போலீசார் விசாரணை நடத்தினர். அதில், முனுசாமி என்பவரிடம் மைனுதீன் மது அருந்த 10 ரூபாய் கேட்டு ஆபாச வார்த்தைகளில் திட்டியதும், ஆத்திரமடைந்த முனுசாமி கட்டையால் மைனுதீனை தாக்கி கொன்றதும் தெரியவந்துள்ளது. இதனையடுத்து முனுசாமியை கைது செய்து நீதிமன்றத்தில் ஆஜர்படுத்திய போலீசார், பின்னர் சிறையில் அடைத்தனர்.