"அதுக்குன்னு ஒரு மனசாட்சி வேணாமா"..சொந்த சிலிண்டர் போல எடுத்து சென்று சிசிடிவியில் சிக்கிய நபர்

திருச்சியில் வீடுகளுக்கு விநியோகிக்கப்படும் கேஸ் சிலிண்டர்கள் ஒரு இடத்தில் இறக்கி வைக்கப்பட்டு பின்னர் அங்கிருந்து டெலிவரி மேன்களால் எடுத்துச் சென்று விநியோகிக்கப்படுவது வழக்கம். அவ்வாறு இறக்கி வைக்கப்பட்ட சிலிண்டர்கள் பல இடங்களில் திருடு போயுள்ளது... இதனால் டெலிவரி மேன்களும், எரிவாயு டீலர்களும் கவலை அடைந்திருந்தனர்... இது தொடர்பாக போலீசிலும் புகாரளிக்கப்பட்டிருந்தது... இந்நிலையில், தில்லை நகரில் டெலிவரி மேன்களால் சப்ளை செய்யப்படும் சிலிண்டர்களை ஸ்கூட்டியில் வைத்து இளைஞர் ஒருவர் அலேக்காகக் கடத்திச் செல்லும் காட்சிகள் சிசிடிவி கேமராவில் பதிவாகி இருந்தன...