தெப்பத்திற்குள் பாய்ந்த கார்.. கல்யாணத்திற்கு வந்த இடத்தில் பரபரப்பு.. கயிறு கட்டி இழுத்த மக்கள்
திருச்சி சமயபுரம் தெப்பக்குளத்தில் பாய்ந்த காரால் பரபரப்பு ஏற்பட்டது. கிழக்குறிச்சி பகுதியை சேர்ந்தவர் பாலு. இவர் சமயபுரம் தெப்பக்குளத்திற்கு அருகே தனது காரை ஹேண்ட் பிரேக் போட்டு நிறுத்தி விட்டு அருகே நடந்த திருமண நிகழ்ச்சிக்கு சென்றுள்ளார். அப்போது, காரின் ஹேண்ட் பிரேக் ரிலீசாகி கார் தெப்பக் குளத்திற்குள் விழுந்து தண்ணீரில் மூழ்கியது. இதனால், அதிர்ச்சி அடைந்த உரிமையாளர் போலீசாருக்கு தகவல் தெரிவித்தார். பின்னர், விரைந்து வந்த தீயணைப்பு வீரர்கள் பொதுமக்கள் உதவியுடன், குளத்தில் மூழ்கிய காரை, தேரை வடம்பிடித்து இழுப்பது போல் கயிறு கட்டி மீட்டனர்.