வீடு புகுந்து செயின் பறிப்பு..! பெண்ணின் அலறல் சத்தம் திருடனை பந்தாடிய பப்ளிக் - பரபரப்பு காட்சி

காஞ்சிபுரத்தில் பட்டப் பகலில் வீடு புகுந்து பெண்ணிடம் சங்கிலியை பறிக்க முயன்ற இளைஞரை அக்கம் பக்கத்தினர் பிடித்து தர்மஅடி கொடுத்தனர். கவரை தெருவில் டெய்லர் பாலாஜியின் வீட்டுக்குள் புகுந்த இளைஞர், வீட்டில் தனியாக இருந்த டெய்லரின் மனைவி துர்காபாய் அணிந்திருந்த சங்கிலியை பறிக்க முயன்றார். துர்கா பாய் கூச்சலிட்டதால் தப்பி ஓடமுயன்ற இளைஞரை அக்கம் பக்கத்தினர் மடக்கிப் பிடித்து தர்ம அடி கொடுத்து, விஷ்ணு காஞ்சி போலீசாரிடம் ஒப்படைத்தனர். விசாரணையில் அந்த இளைஞர் திருவண்ணாமலையைச் சேர்ந்த பார்த்திபன் எனத் தெரியவந்துள்ளது. அவரை பொதுமக்கள் தர்ம அடி கொடுக்கும் வீடியோ வெளியாகி உள்ளது.