மூவர் செய்த பகீர் காரியம் - சிக்க வைத்த இன்ஸ்டா... கூண்டோடு தூக்கிய போலீஸ் | TN Police

கிருஷ்ணகிரி மாவட்டம் மத்தூர் அருகே, இன்ஸ்டாகிராமில் ரீல்ஸ் போட நாட்டு துப்பாக்கியை வைத்து சிட்டு குருவியை சுடுவது போல் வீடியோ எடுத்துக் கொண்டிரு்நத 3 பேரை போலீசார் கைது செய்தனர். தொகரப்பள்ளி காப்பு காடு அருகில் போலீசார் ரோந்து பணியில் ஈடுபட்டபோது, இளைஞர்கள் துப்பாக்கி ஒன்றை கையில் வைத்துக்கொண்டு குருவி சுடுவது போன்று வீடியோ பதிவு செய்வதை கண்டு அதிர்ச்சி அடைந்தனர். இதுதொடர்பாக 3 பேரை போலீசார் கைது செய்து விசாரணை நடத்தியபோது, அதே பகுதியை சேர்ந்த பெருமாள், கோவிந்தராஜ் மற்றும் சக்திவேல் என தெரியவந்தது. பின்னர் 3 பேரையும் போலீசார் நீதிமன்றத்தில் ஆஜர்படுத்தி சிறையில் அடைத்தனர்.