திண்டுக்கல் மாவட்டம் வேடசந்தூரில் கலைஞர் நூற்றாண்டு விழாவை முன்னிட்டு, கால்நடைகளுக்கான சிறப்பு மருத்துவ சிகிச்சை முகாம் நடைபெற்றது. கூட்டுறவு பால் உற்பத்தியாளர்கள் சங்கம் மற்றும் கால்நடை மருத்துவ பல்கலைக்கழகம் சார்பில் நடந்த முகாமை, வேடசந்தூர் எம்.எல்.ஏ. காந்திராஜன் தொடங்கி வைத்தார். இதில் கால்நடைகளுக்கு குடற்புழு நீக்கம், மலடு நீக்க சிகிச்சை, செயற்கை கருவூட்டல், சினை பரிசோதனை மேற்கொள்ளப்பட்டன. தொடர்ந்து, சங்கத்திற்கு அதிகம் பால் வழங்கிய உறுப்பினர்களுக்கு பரிசுகளும், சங்க லாப பிரிவினையாக 5 லட்சம் ரூபாய், 120 உறுப்பினர்களுக்கு பிரித்தும் வழங்கப்பட்டது.