தெரு நாய்கள் அட்ராசிட்டி..."சொல்லி சொல்லி என்னால் முடியவில்லை" இரக்கம் இல்லாமல் சுட்டுக்கொன்ற பேராசிரியர்... திருச்சியில் பரபரப்பு சம்பவம்

திருச்சி கருமண்டபத்தை சேர்ந்த சிவக்குமார், தனியார் கல்லூரியில் பேராசிரியராக பணியாற்றி ஓய்வு பெற்றவர். இவரிடம் அரசு உரிமம் பெற்ற ஏர்கன் துப்பாக்கி உள்ளது. இவர் வசிக்கும் பகுதியில் தெருநாய்களின் தொல்லை இருந்ததாகவும், அதுகுறித்து மாநகராட்சியிடம் புகார் அளித்தும் நடவடிக்கை எடுக்கவில்லை என்றும் கூறப்படுகிறது. இந்நிலையில், அப்பகுதியில் சுற்றித்திரிந்த 2 தெருநாய்களை, சிவக்குமார் தான் வைத்திருந்த துப்பாக்கியால் சுட்டுக்கொன்றதாக புகார் எழுந்தது. இதுகுறித்து சுப்பிரமணியன் என்பவர் அளித்த புகாரின்பேரில், கண்டோன்மென்ட் போலீசார் வழக்குப்பதிந்து சிவக்குமாரை கைது செய்து, நாயை கொல்ல பயன்படுத்திய துப்பாக்கியையும் பறிமுதல் செய்தனர். ​3 மூன்று பிரிவுகளின் கீழ் வழக்கு பதிவு செய்து சிவக்குமாரை சிறையில் அடைத்தனர்.