நடுரோட்டில் கீழே விழுந்த லாரி கிளீனர்... அடுத்தடுத்து மேலே ஏறி சென்ற வாகனங்கள் - உருக்குலைந்த உடல்

சூளகிரி அருகே சாலை விபத்தில் உயிரிழந்த நபரின் மீது வாகனங்கள் ஏறி சென்றதால், உடல் உருகுலைந்து போன சம்பவம் அரங்கேறியுள்ளது. கிருஷ்ணகிரி மாவட்டம் குருபராத்தப்பள்ளி பகுதி தேசிய நெடுஞ்சாலையில், ஒருவரது உடல் பாகங்கள் சிதறி கிடந்துள்ளது. இதுகுறித்து போலீசார் நடத்திய விசாரணையில், அது சீனிவாசன் என்ற லாரி கிளினரின் உடல் என்பது கண்டறியப்பட்டது. அதிகாலையில் சாலையை கடக்க முயன்றபோது அடையாளம் தெரியாத வாகனம் மோதி அவர் உயிரிழந்ததும், அதன்பிறகும் வாகனங்கள் ஏறி சென்றதால் அவரது உடல் உருகுலைந்து போனதும் தெரியவந்தது. இதனையடுத்து உடலை மீட்ட போலீசார், இந்த சம்பவம் தொடர்பாக விசாரணை நடத்தி வருகின்றனர்.