7 மாடு ஒரு லோடு வேனு.. வாடகை காரில் வந்து திருடும் நபர்கள் - அலறும் ஏழு கிணறு

சென்னையில் லோடு வேனை திருடி, அதன்மூலம் ஆடு மாடுகளை திருடி விற்ற இருவரை, போலீசார் கைது செய்துள்ளனர்.

சென்னை ஏழு கிணறு கொண்டித்தோப்பு பகுதியில் நிறுத்தப்பட்டிருந்த தனியார் நிறுவனத்தின் லோடு வேனை, மர்மநபர்கள் திருடி சென்றுள்ளனர். இந்த சம்பவம் தொடர்பாக விசாரணை நடத்திய போலீசார், சாலைகளில் இருந்த சிசிடிவிக்களின் உதவியுடன், லோடு வேனை திருடிய ஸ்டாலின் மற்றும் கோகுல் ஆகியோரை கைது செய்தனர். அவர்களிடம் நடத்தப்பட்ட விசாரணையில், கார் ஒன்றை வாடகை எடுத்த இருவரும், அதில் சென்று லோடு வேனை திருடியது தெரியவந்தது. பின்னர் லோடு வேனில் சென்று பழவந்தாங்கல், ஆதம்பாக்கம் பகுதியில் சுற்றித்திரிந்த ஏழு மாடுகளை பிடித்து, அவற்றை சந்தையில் விற்றதும் தெரியவந்தது. கைதான இருவர் மீது ஏற்கனவே பல்வேறு திருட்டு வழக்குகல் இருப்பதையும் போலீசார் கண்டுபிடித்துள்ளனர். இதனிடையே மாடுகளை திருடி விற்பதற்கு உடந்தைகாக இருந்த நபரிடம், போலீசார் விசாரணை நடத்தி வருகின்றனர்.