இப்படியும் சில மாணவர்கள்...! - பாராட்டு மழையில் நனையும் பள்ளி மாணவர்கள்
நெல்லையில், பன்னிரண்டாம் வகுப்பு முடித்து பள்ளியை விட்டு செல்லும் மாணவர்கள், வகுப்பறையை சுத்தம் செய்து வண்ணம் அடித்தது, பாராட்டுக்களை பெற்றுள்ளது.
நெல்லையில், பன்னிரண்டாம் வகுப்பு முடித்து பள்ளியை விட்டு செல்லும் மாணவர்கள், வகுப்பறையை சுத்தம் செய்து வண்ணம் அடித்தது, பாராட்டுக்களை பெற்றுள்ளது. இந்துக் கல்லூரி மேல்நிலைப்பள்ளியில் 12ஆம் வகுப்பு படித்த மாணவர்கள், பள்ளியை விட்டு செல்லும் நிலையில், பள்ளியை சுத்தம் செய்தனர். மேலும், அனைவரும் இணைந்து வகுப்பறைக்கு வண்ணம் பூசியதோடு, பழுதடைந்த டேபிள், சேர் உள்ளிட்டவற்றையும் சரிசெய்து கொடுத்துள்ளனர். அரசுப் பள்ளி மாணவர்கள் பள்ளியின் பொருட்களை சேதப்படுத்துவது போன்ற வீடியோக்கள் சமூக வலைதளங்களில் பரவி வரும் சூழலில், இந்த மாணவர்கள் செய்த செயல் வியப்பில் ஆழ்த்தியுள்ளது.