"பணமும் போச்சு.. காரும் போச்சு"; போதையில் கார் ஓட்டி படாதபாடு படும் நபர்-வழக்கறிஞரிடம் கதறும் ஆடியோ
நெல்லை மாவட்டம் திசையன்விளை காவல்துறையினரால் பறிமுதல் செய்யப்பட்ட காரை மீட்க, இடைத்தரகரிடம் லஞ்சம் கொடுத்து ஏமாந்ததாக நபர் ஓருவர் ஆடியோ பதிவு வெளியிட்டுள்ளார்
நெல்லை மாவட்டம் திசையன்விளை காவல்துறையினரால் பறிமுதல் செய்யப்பட்ட காரை மீட்க, இடைத்தரகரிடம் லஞ்சம் கொடுத்து ஏமாந்ததாக நபர் ஓருவர் ஆடியோ பதிவு வெளியிட்டுள்ளார்.தூத்துக்குடி மாவட்டம் நடுவக்குறிச்சி பகுதியைச் சேர்ந்த நபர் ஒருவர், குடிபோதையில் கார் ஓட்டியதாக குற்றவழக்குப் பதிசெய்யப்பட்டு , அவரது காரை திசையன்விளை போலீசார் பறிமுதல் செய்ததாக தெரிகிறது. இந்நிலையில் இடைத்தரகர் ஒருவரிடம்17 ஆயிரம் ரூபாய் லஞ்சம் கொடுத்து, காவல்துறையினரால் பறிமுதல் செய்யப்பட்ட காரை அவர் மீட்டுள்ளார். இந்நிலையில் மீட்கப்பட்ட காரை 4 நாட்கள் கழித்து மீண்டும் போலீசார் எடுத்து சென்றதாகவும், தான் இழந்த பணம் குறித்தும், கார் குறித்தும் தனது வழக்கறிஞர் ஒருவரிடம் அவர் பேசும் ஆடியோ சமூக வலைதளங்களில் வெளியாகி பரவி வருகிறது.