உயிருடன் இருக்கும் போதே இறுதி ஊர்வலம்... விநோத நேர்த்திக்கடன்!
சேலத்தில், உயிருடன் இருப்பவரை பிணம் போல் அலங்கரித்து ஊர்வலமாக எடுத்துச் சென்று இறுதிச் சடங்கு செய்து, மாரியம்மனுக்கு நேர்த்திக்கடன் செலுத்தும் வீடியோ சமூகவலைதளங்களில் பரவி வருகிறது.
சேலத்தில், உயிருடன் இருப்பவரை பிணம் போல் அலங்கரித்து ஊர்வலமாக எடுத்துச் சென்று இறுதிச் சடங்கு செய்து, மாரியம்மனுக்கு நேர்த்திக்கடன் செலுத்தும் வீடியோ சமூகவலைதளங்களில் பரவி வருகிறது. சேலம் கொண்டலாம்பட்டியை சேர்ந்த ஜெயமணிக்கு, 5 ஆண்டுகளுக்கு முன் அம்மை நோயால் உடல்நலம் கடுமையாக பாதிக்கப்பட்டுள்ளது. தாம் உடல்நலம் பெற்றால், உயிருடன் இருக்கும்போதே இறுதிச் சடங்கு செய்து நேர்த்திக்கடன் செலுத்துவதாக சந்தைப்பேட்டை மாரியம்மன் கோயிலுக்கு வேண்டுதல் வைத்துள்ளார். பின்னர், அவர் குணமடைந்ததும், ஆண்டுதோறும் பங்குனி மற்றும் மாசி மாதத்தில் நடைபெறும் மாரியம்மன் கோயில் திருவிழாவின் இறுதிநாளில் , தன்னை பிணம் போல் அலங்கரித்து பாடையில் படுத்தபடி ஊர்வலமாக சென்று சுடுகாட்டில் இறுதி சடங்கு செய்து நேர்த்திக்கடன் செலுத்துவதை வழக்கமாக வைத்துள்ளார். இந்த வினோத நேர்த்திக்கடன் வீடியோ சமூக வலைதளங்களில் பரவி வருகிறது.