உக்ரைனில் இருந்து தமிழகம் திரும்பிய மாணவர்களை கண்ணீர் மல்க வரவேற்ற குடும்பத்தினர்

ரஷ்யா- உக்ரைன்  இடையே போர் நடைப்பெற்று வரும் நிலையில்,கடந்த சில தினங்களாக மத்திய அரசு சிறப்பு விமானங்கள் மூலம் உக்ரைனிலிருந்து இந்தியர்களை மீட்டு வருகிறது. 

இந்நிலையில், தமிழகத்திற்கு 10வது நாளாக 8 விமானங்களில் சென்னை, திருச்சி, உள்பட பல பகுதிகளை சேர்ந்த 40 மாணவ- மாணவிகள் டெல்லியில் இருந்து விமானம் மூலம் சென்னை வந்தடைந்தனர்.

அப்போது, தமிழக அரசின் அயலக தமிழர் நலம் மற்றும் மறுவாழ்வு துறை அதிகாரிகள் மற்றும் அவர்களது குடும்பத்தினர் கண்ணீர் மல்க வரவேற்றனர். 

பின்னர், அவர்கள் சொந்த ஊர்களுக்கு அரசு செலவில் வாகனங்களில் அனுப்பி வைக்கப்பட்டனர்.