தவறி விழுந்தும் முயற்சியை கைவிடாத திருடன் ! - சிசிடிவி காட்சிகள்
பைக்கில் இருந்து கீழே விழுந்தும் கூட, நபர் ஒருவர் தட்டுத் தடுமாறி வாகனத்தை திருடி செல்லும் காட்சிகள் பதிவாகி உள்ளது.
திருப்பத்தூர் மாவட்டம் வாணியம்பாடி சென்னம்பேட்டை பகுதியை சேர்ந்த இதிரீஸ் என்பவர், தனது தாயை அங்குள்ள தனியார் மருத்துவமனையில் சிகிச்சைக்காக சேர்த்துள்ளார்.
இதனால், தனது இரு சக்கர வாகனத்தை மருத்துவமனை வெளியே நிறுத்தி வைத்திருந்தார். சிறிது நேரம் கழித்து பார்த்தபோது, இரு சக்கர வாகனம் காணாமல் போனது.
இது தொடர்பாக சிசிடிவி கேமராவை பார்த்தபோது, மர்ம நபர் ஒருவர், இரு சக்கர வாகனத்தின் சைடு லாக்கினை உடைத்து பைக்கை திருடியது தெரியவந்தது. பைக்கில் இருந்து கீழே விழுந்தும் கூட, தட்டுத் தடுமாறி வாகனத்தை திருடி செல்லும் காட்சிகள் பதிவாகி உள்ளது. இது குறித்து போலீசார் விசாரித்து வருகின்றனர்.