நாயை அடித்துக் கொன்ற இளைஞர் - வீதியில் தரதரவென நாயை இழுத்து வந்ததால் பரபரப்பு

கோவை மாவட்டம், வீரகேரளம், கேஆர்கே நகரை சேர்ந்தவர் பாலு. இந்த பகுதியில் நாய்கள் தொல்லை அதிகமாக இருப்பதாக கூறப்படுகிறது. இந்நிலையில், அப்பகுதியில் சுற்றித் திரிந்த நாய் ஒன்றை கட்டையால் கொடூரமாக தாக்கி கொன்று, வீதியில் தரதரவென்று பாலு இழுத்துச் சென்றுள்ளார். இதைக்கண்டு அதிர்ச்சி அடைந்த குடியிருப்புவாசிகள், நாயை அடித்துக் கொன்று இழுத்துச் செல்லும் சிசிடிவி வீடியோவை வெளியிட்டுள்ளனர். நாயை கொன்ற பாலு மீது நடவடிக்கை எடுக்க வேண்டும் என்று விலங்குநல ஆர்வலர்கள் வலியுறுத்தியுள்ளனர்.