பொன்னேரியில் பெரியார் சிலை சேதம் சிலையின் முகம், மூக்கு கண்ணாடி உடைப்பு சிலையை சேதப்படுத்தியதாக ஒருவர் சரண்

திருவள்ளூர் மாவட்டம் பொன்னேரியில் பெரியார் சிலை சேதப்படுத்தப்பட்ட சம்பவம் பரபரப்பை ஏற்படுத்தியுள்ளது.பொன்னேரி பேருந்து நிலையம் அருகே உள்ள பெரியார் சிலையை மர்ம நபர்கள் நேற்று நள்ளிரவு சேதப்படுத்தியுள்ளனர். இன்று அதிகாலை பெரியார் சிலையின் முகம் சிதைக்கப்பட்டும், மூக்கு கண்ணாடி உடைக்கப்பட்டு இருந்ததை அறிந்த  போலீசார், உடனடியாக சிலையை துணியால் மூடி மறைத்தனர். தொடர்ந்து அப்பகுதியில் திராவிட கழகத்தினர் திரண்டதால் பரபரப்பு ஏற்பட்டது. இதனிடையே பெரியார் சிலையை சேதப்படுத்தியதாக கூறி பொன்னேரி காவல்நிலையத்தில் செல்லகிளி என்பவர் சரணடைந்துள்ளார். இந்நிலையில், சிலை அமைந்துள்ள பகுதிகளில் பதிவான சி.சி.டி.வி காட்சிகளை ஆய்வு செய்து போலீசார் விசாரணை மேற்கொண்டு வருகின்றனர்.