திருடர்களாக மாறிய கல்லூரி மாணவர்கள் - சுற்றி வளைத்து பிடித்த போலீஸ்

சேலத்தில் வீட்டில் கொள்ளையடிக்க முயன்ற 5 கல்லூரி மாணவர்கள் கைது செய்யப்பட்டுள்ளனர். 

சேலம் மாவட்டம் புத்திர கவுண்டம்பாளையம் பகுதியில் கோவில் நிர்வாகி வீட்டின் வளாகத்தில் சிலர் பதுங்கி இருப்பதை வீட்டின் காவலாளி கவனித்துள்ளார். இது குறித்து போலீசாருக்கு தகவல் தெரிவிக்கப்பட்டது. போலீசார் சம்பவ இடத்திற்கு விரைந்து வந்து  வீட்டில் பதுங்கியிருந்தவர்களை பிடித்து விசாரித்தனர். விசாரணையில் அவர்கள் கல்லூரி மாணவர்கள் என்பது தெரியவந்தது. முதல் முறையாக கோவில் நிர்வாகி வீட்டில் கொள்ளையடிக்க திட்டமிட்ட நிலையில் சிக்கியதாக அவர்கள் போலீசாரிடம் தெரிவித்துள்ளனர். இதனையடுத்து, அவர்கள் கைது செய்யப்பட்டு சிறையில் அடைக்கப்பட்டனர்.