பெட்டி கடைக்குள் வைத்து பெண் படுகொலை - கொலையாரி யார்? விசாரணை நடத்தும் போலீசார்

பெட்டி கடைக்குள் வைத்து பெண் படுகொலை - கொலையாரி யார்? விசாரணை நடத்தும் போலீசார் 

ராஜபாளையத்தில் பெண் ஒருவர் பெட்டிக் கடைக்குள் கழுத்தறுக்கப்பட்டு கொடூரமாக கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.ராஜபாளையம் துரைசாமிபுரம் பகுதியை சேர்ந்தவர் கணேசன். இவரின் மனைவி இந்திராணி. இவர்களுக்கு 2 பிள்ளைகள். கணவன், மனைவி இருவரும் பெட்டிக்கடை ஒன்றை வைத்து நடத்தி வருகின்றனர். இன்று காலை பொருட்கள் வாங்க கணேசன் மார்க்கெட்டிற்கு சென்ற நிலையில் இந்திராணி மட்டும் கடையில் இருந்துள்ளார். அப்போது திடீரென வந்த மர்ம நபர் ஒருவர் இந்திராணியின் கழுத்தை அறுத்துவிட்டு தப்பி ஓடினார். இதில் பலத்த காயமடைந்த அவர், சம்பவ இடத்திலேயே பலியானார். இதுகுறித்து வழக்குப்பதிவு செய்த போலீசார், கொலையாளி யார்? என தேடி வருகின்றனர்.