கொடநாடு வழக்கில் தொடரும் அதிரடி - கனகராஜின் உறவினருக்கும் நீதிமன்ற காவல்

கொடநாடு வழக்கில் கனகராஜின் சகோதர் மற்றும் அவரின் உறவினருக்கு மேலும் 15 நாட்கள் நீதிமன்ற காவல் வழங்கி உதகை நீதிமன்றம் உத்தரவிட்டுள்ளது.கனகராஜின் மரணம் தொடர்பாக விசாரணை நடத்திய போலீசார், கனகராஜின் சகோதரர் தனபால் மற்றும் அவரின் உறவினர் ரமேஷ் ஆகியோரை கடந்த சில வாரங்களுக்கு முன்பாக கைது செய்தனர்.இதனிடையே இவர்களை போலீசார் காவலில் எடுத்து விசாரித்தனர். இதன்பிறகு மீண்டும் சிறையில் அடைக்கப்பட்ட அவர்களுக்கு நீதிமன்ற காவல் முடிவடைய இருந்ததால் உதகை மாவட்ட அமர்வு நீதிமன்றத்தில் 2 பேரும் ஆஜர்படுத்தப்பட்டனர். வழக்கை விசாரித்த நீதிபதி சஞ்சய் பாபா, 2 பேரின் ஜாமின் மனு மீதான விசாரணையை வரும் 10ஆம் தேதி தள்ளி வைத்ததோடு மேலும் 15 நாட்களுக்கு நீதிமன்ற காவலில் வைக்க உத்தரவிட்டார். இதனை தொடர்ந்து இருவரும் சிறைக்கு அழைத்துச் செல்லப்பட்டனர்.