தமிழக ஊரக உள்ளாட்சி தேர்தல் முடிவுகள் - வாக்கு எண்ணிக்கையில் சுவாரஸ்ய நிகழ்வுகள்

வேலூர் மாவட்டம் குடியாத்தம் ஊராட்சி ஒன்றியம் மோர்தானா ஊராட்சி மன்ற தலைவர் தேர்தலில் பரந்தாமன் என்பவர் 464 வாக்குகள் பெற்று ஒரு வாக்கு வித்தியாசத்தில் வெற்றி பெற்றார்.

விழுப்புரம் மாவட்டம் வல்லம் ஊராட்சி ஒன்றிய 3-வது வார்டு கவுன்சிலர் பதவிக்கு திமுக சார்பில் போட்டியிட்ட கோமதி பிரபாகர் 222 வாக்குகள் வித்தியாசத்தில் வெற்றிப்பெற்றார். சீட் கிடைக்காததால் அவரை எதிர்த்து சுயேட்சையாக போட்டியிட்ட திமுகவை சேர்ந்த உமா ஸ்டாலின் தோல்வியை தழுவினார். இருவரும் வாக்கு எண்ணிக்கை மையத்தில் வாக்குவாதத்தில் ஈடுபட்டதால் பரபரப்பு ஏற்பட்டது.

கள்ளக்குறிச்சி மாவட்டம் ரிஷிவந்தியம் அரியலூர் அரசுப் பள்ளியில் நடைபெற்ற வாக்கு எண்ணிக்கையின் போது, வாக்கு எண்ணும் பணிக்கு வந்த அலுவலர் அயர்ந்து தூக்கியது சலசலப்பை ஏற்படுத்தியது.