ஆட்கொல்லி புலியை சுட்டு பிடிக்க தீவிரம் - மேலும் 4 புலிகளின் நடமாட்டம் இருப்பதாக தகவல்

நீலகிரியில் ஆட்கொல்லி புலியுடன் மேலும் 4 புலிகளின் நடமாட்டம் இருப்பதால் தவறுதலாக அதனை சுட்டு விட வேண்டாம் என அதிரடி படையினருக்கு அறிவுறுத்தப்பட்டுள்ளது. கூடலூர் பகுதியில் 4 பேரை வேட்டையாடி கொன்ற புலியை சுட்டு பிடிக்கும் நடவடிக்கையில் வனத்துறையினரும், அதிரடிப்படியினரும் ஈடுபட்டு வருகின்றனர். புலி நடமாட்டம் உள்ள பகுதியில் அதனை பிடிப்பதற்கான பணிகள் தயார்ப்படுத்தப்பட்ட நிலையில் ஆட்கொல்லி புலியின் கால்தடம் மட்டுமின்றி மேலும் 4 புலிகளின் நடமாட்டம் இருப்பது தெரிய வந்தது. இந்த நிலையில் தவறுதலாக அந்த புலிகளை சுட்டு விட கூடாது என்பதற்காக குறி வைக்கும் புலியின் புகைப்படம் அதிரடிப்படையினருக்கு காண்பிக்கப்பட்டுள்ளது. அதில் உள்ள அடையாளங்களை கொண்ட புலியை மட்டுமே சுட வேண்டுமென உத்தரவிடப்பட்டுள்ளது.