தரக்குறைவாக நடத்திய உயரதிகாரி - தர்ணா போராட்டத்தில் ஈடுபட்ட விசிக

புதுச்சேரியில் குடிசைமாற்று வாரியத்தில் பணிபுரியும் பெண் ஊழியரை உயரதிகாரி ஒருவர்  தரக்குறைவாக நடத்தியதாக கூறி விடுதலை சிறுத்தைகள் கட்சியினர் போராட்டத்தில் ஈடுபட்டனர். புதுச்சேரி அரசின் குடிசைமாற்று வாரியத்தில் பணிபுரிந்து வருபவர் சங்கீதா. இவரது உயரதிகாரி ஒருவர் தரக்குறைவாக நடத்தியதாகவும்,  மேலும் தனது வீட்டு வேலைகளை செய்ய சொல்லி வற்புறுத்தியதாகவும் கூறப்படுகிறது.  இந்நிலையில் சங்கீதாவை தரக்குறைவாக நடத்திய அதிகாரி மீது நடவடிக்கை எடுக்கக்கோரி விடுதலை சிறுத்தைகள்  கட்சியினர் குடிசைமாற்று வாரிய அலுவலகத்தை முற்றுகையிட்டு தர்ணாவில் ஈடுபட்டனர்