ஆளில்லாத வீட்டில் நகை, பணம் திருட்டு - 13 சவரன் நகை, ரூ.40 ஆயிரம் பணம் மாயம்

திண்டிவனம் அருகே வீட்டின் கதவை உடைத்து ஐந்து லட்சம் மதிப்புள்ள நகைகளை திருடியவர்களை போலீசார் தேடி வருகின்றனர். திண்டிவனம் அடுத்த ஓங்கூர் கிராமத்தை சேர்ந்தவர் சின்னசாமி. இவர் வீட்டை பூட்டிவிட்டு திருமணத்திற்காக வெளியூர் சென்றார். திரும்பி வந்து பார்த்தபோது, வீட்டின் பின்பக்க கதவு உடைக்கப்பட்டு இருந்தது. வீட்டின் உள்ளே சென்று பார்த்தபோது, 13 சவரன் நகை, 400 கிராம் வெள்ளிப் பொருட்கள் மற்றும் 40 ஆயிரம் ரொக்கப்பணத்தை மர்ம நபர்கள் திருடிச் சென்றது தெரியவந்தது. இதுகுறித்து போலீசார் வழக்குப்பதிவு செய்து விசாரித்து வருகின்றனர்.