12ஆம் வகுப்பு தேர்வு முடிவுகள் தயார்; முதலமைச்சர் தேதி சொன்னவுடன் அறிவிப்பு - அமைச்சர் அன்பில் மகேஷ் தகவல்

12ஆம் வகுப்பு தேர்வு முடிவுகள் தயாராக உள்ளதாகவும், விரைவில் வெளியிடப்படும் என்றும் பள்ளிக் கல்வி துறை அமைச்சர் அன்பில் மகேஷ் பொய்யாமொழி தெரிவித்துள்ளார். சென்னை எழிலகத்தில் நடந்த மாநில வளர்ச்சி குழு கூட்டத்தில் பள்ளிக்கல்வித் துறை சார்பில் பங்கேற்றபின் செய்தியாளர்களிடம் பேசினார். பள்ளி திறப்பு, 12ஆம் வகுப்பு தேர்வு முடிவு ஆகியவை குறித்து முதல்வரிடம் ஆலோசித்து உள்ளதாக கூறினார். ஏற்கனவே கூறியபடி, இம்மாத இறுதிக்குள் தேர்வு முடிவுகள் வெளியிடப்படும் என்றும், நாளை மாலை நடக்கும் மாவட்ட கல்வி அலுவலர்களின் கூட்டத்துக்கு பின், முக்கிய முடிவுகள் அறிவிக்கப்படும் என்றும் கூறினார்.