தாய் மகள் நள்ளிரவில் வெட்டிக்கொலை... பல்வேறு கோணங்களில் போலீசார் விசாரணை

மதுரை மாவட்டம் பதினெட்டான்குடி கிராமத்தை சேர்ந்த நீலாதேவி தனது மகள் அகிலாண்டேஸ்வரி உடன் வீட்டில் உறங்கி கொண்டிருந்துள்ளனர. அப்போது வீடு புகுந்த ஒரு கும்பல் இருவரையும் சரமாரியாக வெட்டி கொலை செய்து தப்பியோடி உள்ளது. தாய் மகள் அலறல் சத்தம் கேட்டு அக்கம் பக்கத்தில் உள்ளவர்கள் போலீசாருக்கு தகவல் அளித்துள்ளனர். சம்பவ இடத்திற்கு வந்த  டி.எஸ்.பி ரகுபதிராஜா சம்பவம் குறித்து விசாரணை நடத்தினார்.  சம்பவ இடத்தில் விசாரணை நடத்திய, மதுரை எஸ்.பி. சுஜித்குமார் நேரில் விசாரணை நடத்தியதுடன், குற்றவாளிகளை பிடிக்க தனிப்படை அமைத்து உத்தரவிட்டுள்ளார். இதனைத் தொடர்ந்து மோப்பநாய், தடயவியல் நிபுணர்கள் வரவழைக்கப்பட்டு தடயங்கள் சேகரிக்கப்பட்டன. பின்னர் இருவரது சடலங்களும் பிரேத பரிசோதனைக்காக மேலூர் அரசு மருத்துவமனைக்கு அனுப்பி வைக்கப்பட்டது. இந்த கொலைக்கான காரணம் குறித்து அனைத்து கோணங்களிலும் விசாரணையை முடுக்கி விட்டுள்ளனர் தனிப்படை போலீசார்.