மாவட்டங்களில் நாளை முதல்வர் ஆய்வு; கொரோனா தடுப்பு குறித்து ஆலோசனை

முதலமைச்சர் ஸ்டாலின், மாவட்டங்களில் நாளை ஆய்வு மேற்கொள்கிறார். கொரோனா தொற்று அதிகரித்து வரும் சூழலில், தமிழக அரசு தீவிர தடுப்பு நடவடிக்கையை மேற்கொண்டு வருகிறது. இந்நிலையில் மாவட்டங்களில் முதலமைச்சர் ஸ்டாலின் ஆய்வு செய்ய உள்ளார். அந்த வகையில் சேலம், ஈரோடு, கோவை மாவட்டங்களில் நாளை முதலமைச்சர் ஸ்டாலின் ஆய்வு மேற்கொள்கிறார். இந்த ஆய்வுப் பணியின் போது, அந்தந்த மாவட்ட ஆட்சியர்களுடன், கொரோனா தடுப்பு நடவடிக்கைகள் குறித்து, முதலமைச்சர் ஸ்டாலின் ஆலோசனை நடத்த உள்ளார்.