சிதம்பரம் ஆர்ப்பாட்டத்தில் பங்கேற்க சென்ற குஷ்பு கைது

சிதம்பரம் ஆர்ப்பாட்டத்தில் பங்கேற்க சென்ற நடிகை குஷ்புவை போலீசார் கைது செய்தனர். பெண்கள் குறித்து இழிவாக பேசியதாக திருமாவளவனை கண்டித்து சிதம்பரத்தில் பாஜக மகளிர் அணி சார்பில் போராட்டம் அறிவிக்கப்பட்டது. இந்த போராட்டத்திற்கு போலீசார் தடை விதித்தனர். திருமாவளவன் எம்.பியாக உள்ள சிதம்பரம் தொகுதியில் போராட்டம் நடந்தால், சட்டம் ஒழுங்கு பிரச்சனை எழும் என்பதால் தடை விதிக்கப்பட்டது. இந்நிலையில், தடையை மீறி ஆர்ப்பாட்டத்தில் பங்கேற்க சென்ற நடிகை குஷ்புவை இசிஆர் முட்டுக்காட்டில் போலீசார் கைது செய்தனர்.