இரும்பு படிக்கட்டுகளை திருடிச் செல்லும் மர்மநபர்கள் - சிசிடிவி காட்சிகள் வெளியீடு

பழனி பேருந்து நிலையம் அருகே 10-க்கும் மேற்பட்ட கடைகளின் முன்பிருந்த இரும்புப் படிக்கட்டுகளை மர்மநபர்கள் திருடிச் செல்லும் சிசிடிவி காட்சிகள் வெளியாகி உள்ளது. பழனி நகர் முழுவதும் சாலை விரிவாக்கப் பணிகள் நடந்து வருவதால் பல பகுதிகளில் பள்ளம் தோண்டப்பட்டுள்ளது. இதனால், அங்குள்ள கடைகளில் இரும்பு கிரில்களும், படிக்கட்டுகளும் தற்காலிகமாக வைக்கப்பட்டுள்ளன. இந்நிலையில், ரயில்வே பீடர் ரோடு, திண்டுக்கல் ரோடு பகுதிகளில் உள்ள கடைகளின் முன்பிருந்த இரும்பு படிக்கட்டுகளை இரவோடு இரவாக மர்மநபர்கள் திருடிச் சென்றுள்ளனர். இது தொடர்பான சிசிடிவி காட்சி தற்போது வெளியாகி உள்ளது. திருடப்பட்ட ஒவ்வொரு இரும்புப் படிக்கட்டுகளும் 6 ஆயிரம் ரூபாய் இருக்கும் என்று கூறப்படுகிறது.