தொடர் மழை எதிரொலி : போடி-மதுரை அகல ரயில் பாதை தண்டவாளங்கள் அமைக்கப்பட்ட இடங்களில் மண்சரிவு

உசிலம்பட்டியில் இருந்து ஆண்டிப்பட்டி வழியாக தேனி வரையில் அகல ரயில்பாதை திட்டப்பணிகள் நடைபெற்று வருகிறது. இந்த பணிகளும் 90 சதவீதம்  வரை முடிந்துள்ளது. ஏற்கனவே இருந்த ரயில் பாதை மண்மூலம் உயர்த்தப்பட்டு தண்டவாளங்கள் அமைக்கப்பட்டுள்ளது. இந்நிலையில்  ஆண்டிப்பட்டி பகுதியில் கடந்த சில நாட்களாக பெய்து வரும் பலத்த மழையின் காரணமாக தண்டவாளம் அமைக்கப்பட்டுள்ள பகுதிகளில் மண்சரியும் அபாயம் உருவாகியுள்ளது. பல இடங்களில் மண்அரிப்பு ஏற்பட்டுள்ளது. பெரும்பாலான இடங்களில் மண்கரைகளில் பெரிய அளவிலான விரிசல் ஏற்பட்டுள்ளது. இது பொதுமக்களிடையே அச்சத்தை ஏற்படுத்தியுள்ளது.