மருந்தீசுவரர் கோவிலில் கட்டப்பட்டுள்ள திருமண மண்டபம் : காணொலி காட்சி மூலம் திறந்து வைத்தார் முதலமைச்சர்

இந்து சமய அறநிலையத்துறை சார்பில் சென்னை திருவான்மியூர் மருந்தீசுவரர் கோவிலில் 20 கோடியே 10 லட்சம் ரூபாய் மதிப்பீட்டில் கட்டப்பட்டுள்ள திருமண மண்டபத்தை தமிழக முதலமைச்சர் எடப்பாடி பழனிச்சாமி காணொலி காட்சி மூலம் திறந்து வைத்தார்.  அதேபோல், கடலூர் மாவட்டம் திட்டக்குடி பிரளயகாலேசுவரா்  கோயில், திருவள்ளூர் மாவட்டம் சோளீஸ்வரர் கோவில் மற்றும் விருதுநகர் மாவட்டம் வைத்தியநாத சுவாமி கோவில்களில் கட்டப்பட்டுள்ள  அன்னதான கூடங்களையும்  அவர் திறந்து வைத்தார்.  மேலும்,  இந்து சமய அறநிலைய துறையில் காலியாக உள்ள இளநிலை உதவியாளர் பணியிடங்களுக்கு தேர்வு செய்யப்பட்ட 59  பேருக்கும், தமிழ்நாடு தனியார்  வேலைவாய்ப்பு இணையம் மூலம் தேர்வு செய்யப்பட்ட 238  பேருக்கும் பணி நியமன ஆணைகளை எடப்பாடி பழனிச்சாமி  தலைமை செயலகத்தில் வழங்கினார்