கார் - ஆம்புலன்ஸ் நேருக்கு நேர் மோதி விபத்து - ஆம்புலன்ஸை மீட்டு கொண்டு செல்லும் போது தீ விபத்து

கரூர் மாவட்டம் குளித்தலையில் நோயாளியை இறக்கி விட்டு திருச்சி நோக்கி சென்ற108 ஆம்புலன்ஸ், கம்பரசம்பேட்டை அருகே சென்ற போது கார் மீது மோதி விபத்துக்குள்ளானது. இதில் ஓட்டுனரின் கட்டுப்பாட்டை  இழந்த ஆம்புலன்ஸ் சாலையில் குப்புற கவிழ்ந்தது. இதையடுத்து ஆம்புலன்ஸை மற்றொரு வாகனத்தின் உதவியோடு மீட்டு காவல் நிலையத்துக்கு கொண்டு சென்றபோது எதிர்பாராத விதமாக தீ பிடித்து எரிந்தது. இச்சம்பவம் குறித்து ஜீயபுரம் போலீசார் வழக்கு பதிவு செய்து விசாரணை மேற்கொண்டு வருகின்றனர்.