கொரோனா தடுப்பு நடவடிக்கைகளில் பங்காற்றும் துப்பரவு பணியாளர்கள் - மாலை அணிவித்து, பாதபூஜை செய்து பொதுமக்கள் மரியாதை

திருப்பூர் மாவட்டம் பல்லடத்தில் நகராட்சி துப்புரவு பணியாளருக்கு பாதை பூஜை செய்து பொதுமக்கள் மாலை அணிவித்து மரியாதை செலுத்திய  நிகழ்வு நெகிழ்ச்சி அடையச் செய்துள்ளது.  பல்லடம் கணபதி நகரில் பணியாற்றி வரும் துப்பரவு பணியாளரை அப்பகுதி மக்கள் பாதங்களை கழுவி, சந்தனம், குங்குமமிட்டு மாலை அணிவித்து மரியாதை செலுத்தினர். கொரோனா  வைரஸ் தடுப்பு நடவடிக்கையில்  துப்புரவு பணியாளர்கள் தங்களது உயிரை பணயம் வைத்து பணியாற்றி வருவதால் தாங்கள் இந்த மரியாதை செலுத்தியதாக அவர்கள் தெரிவித்துள்ளனர்.