இந்து முன்னணி பிரமுகர் வாகனத்திற்கு தீ வைப்பு - மர்ம நபர்களை தேடி வரும் போலீசார்

திருச்சி மாவட்டம் மணிகண்டம் ஒன்றியம் அதவத்தூர்  கிராமத்தைச் சேர்ந்தவர் சக்திவேல். ரியல் எஸ்டேட் பணிகளை செய்து வரும் இவர், சமீபத்தில் இந்து முன்னணி அமைப்பில் இணைந்தார். நேற்று இரவு திடீரென நள்ளிரவில் இவரது வீட்டின் கண்ணாடிகள் உடைக்கப்படும் சத்தம் கேட்டு எழுந்து வந்து பார்த்துள்ளார். அப்போது இவரின் இருசக்கர வாகனத்திற்கு மர்மநபர்கள் சிலர் தீ வைத்து விட்டு தப்பிச் சென்றது தெரியவந்தது. இதுகுறித்து சக்திவேல் அளித்த புகாரின் பேரில் வழக்கு பதிவு செய்த போலீசார் தீவைத்த மர்ம நபர்களை தேடி வருகின்றனர். முன்விரோதம் காரணமாக இந்த சம்பவம் நடந்ததா என்று விசாரணை நடைபெற்று வருகிறது. 

-