பள்ளியை சீரமைத்த முன்னாள் மாணவர்கள் - மாணவர்களை பாராட்டிய ஊர்மக்கள்

விழுப்புரம் மாவட்டம் செஞ்சி அருகே, தாங்கள் படித்த அரசுப் பள்ளியை சீரமைத்த முன்னாள் மாணவர்களுக்கு, ஊர் மக்கள் பாராட்டு தெரிவித்தனர்.  ஏம்பலம் அரசு தொடக்கப்பள்ளி, 1958ஆம் ஆண்டு கட்டப்பட்டது. சரியான அடிப்படை வசதி இல்லாமல் இருக்கும் இந்த பள்ளியில், தற்போது 24 மாணவர்களே பயின்று வருகின்றனர். இந்நிலையில், 35ஆண்டுகளுக்கு முன் இப்பள்ளியில் பயின்ற முன்னாள் மாணவர்கள் 50க்கும் மேற்பட்டோர் இணைந்து, சிதிலமடைந்த பள்ளியை சீரமைத்தனர். குடிநீர், கழிப்பறை உள்ளிட்ட அடிப்படை வசதிகளை செய்துள்ளனர். இந்த செயல், கிராம மக்களிடம்  பாராட்டை பெற்றுள்ளது.